12. മാരകാകളി


വൃത്തവൃത്താന്തം. സര്‍ഗ്ഗം-12. മാരകാകളി
=================================
കാകളിയില്‍നിന്ന് അനേകം വൃത്തങ്ങള്‍ ഉണ്ടാകുന്നുണ്ട്. അവയെക്കുറിച്ചാണ് നമ്മള്‍ ചര്‍ച്ചചെയ്തുകൊണ്ടിരിക്കുന്നത്. കാകളിവൃത്തത്തില്‍ മൂന്നക്ഷരത്തില്‍ അഞ്ചുമാത്രവരണമെന്ന് നമ്മള്‍ മനസ്സിലാക്കി . ലഘുക്കള്‍ നീട്ടിപ്പാടാവുന്നതുകൊണ്ട് മൂന്നുമാത്രയോ നാലുമാത്രയോ വന്നാലും അത് നീട്ടിപ്പാടി അഞ്ച് മാത്രയാക്കി കാകളിവൃത്തത്തിലുള്‍പ്പെടുത്താം . എന്നാല്‍ ഗുരു ചുരുക്കിപ്പാടാറില്ല. അതുകൊണ്ട് ആറുമാത്രവരുന്ന മഗണം (സര്‍വ്വഗുരു) കാകളിയില്‍ ഉള്‍പ്പെടുത്താന്‍ പാടില്ല . കാകളിയില്‍ മഗണം വരുമ്പോള്‍ അത് ശ്ലഥകാകളിയാകും . അതായത് അഞ്ചുമാത്രയേ വരാന്‍ പാടുള്ളൂ എന്ന നിയമം തെറ്റിച്ച് വരുന്നത് ശ്ലഥകാകളി . നമ്മള്‍ പഠിച്ചത് ഒന്നോര്‍ത്തുനോക്കാം.

ശ്ലഥകാകളിയുടെ രണ്ടുപാദത്തിലും അവസാനത്തെ ഒരോ അക്ഷരം കുറഞ്ഞാല്‍ ദ്രുതകാകളി.
ശ്ലഥകാകളിയുടെ രണ്ടുപാദങ്ങളിലും അവസാനത്തെ ഈരണ്ടക്ഷരംവീതം കുറഞ്ഞാല്‍ സമമഞ്ജരി.
ശ്ലഥകാകളിയില്‍ രണ്ടാമത്തെ വരിയില്‍ അവസാനത്തെ രണ്ടക്ഷരം കളഞ്ഞാല്‍ അത് മഞ്ജരി.
കാകളിയില്‍നിന്നുണ്ടാകുന്ന മറ്റൊരു വൃത്തമായ മാരകാകളിയെ നമുക്ക് പരിചയപ്പെടാം. കാകളിയുടെ രണ്ടാം‍പാദത്തില്‍ നാലക്ഷരം കുറച്ചാല്‍ മാരകാകളിയാകും.
ശ്ലഥകാകളിയില്‍ രണ്ടാമത്തെ വരിയില്‍ അവസാനത്തെ രണ്ടക്ഷരം കളഞ്ഞാല്‍ അത് മഞ്ജരിയാകുമല്ലോ. വീണ്ടും രണ്ടക്ഷരംകൂടെ കുറച്ചാല്‍ മാരകാകളിയാകും. അതായത് മഞ്ജരിയില്‍ രണ്ടാം‍പാദത്തില്‍ രണ്ടക്ഷരം കുറച്ചാലും മാരകാകളിയാകും.
ആദ്യത്തെവരിയില്‍ പന്ത്രണ്ടക്ഷരവും രണ്ടാമത്തെ വരിയില്‍ എട്ടക്ഷരവുമാണീവൃത്തത്തില്‍ ഉണ്ടാകുക .

ഉദാ:

  1. പന്ത്രണ്ടു /മക്കളെ/ പെറ്റൊര/മ്മേ നിന്‍റെ
    മക്കളില്‍ / ഞാനാണു/ ഭ്രാന്തന്‍
    .
  2. ആ നിമി/ഷത്തിന്റെ /നിർവൃതി/യിൽ ഞാനൊ-രാവണി/ത്തെന്നലായ്/ മാറി
    .
  3. നക്ഷത്ര/രാജ്യത്തെ /നർത്തന/ശാലയിൽ
    രത്നം പൊ/ഴിയുന്ന /രാത്രി
    .
  4. നഷ്ടസ്വർ/ഗ്ഗങ്ങളെ /നിങ്ങളെ/നിക്കൊരു
    ദുഃഖസിം/ഹാസനം/ നല്കി
    .
  5. നീലനി/ശീഥിനി/ നിന്മണി/മേടയിൽ
    നിദ്രാവി/ഹീനയായ്/ നിന്നൂ
    .
  6. കാട്ടിലെ/ മാനിന്റെ/ തോലുകൊ/ണ്ടുണ്ടാക്കി
    മാരാരു /പണ്ടൊരു /ചെണ്ട
    .
  7. ഞാനറി/യാതെന്റെ/ മാനസ/ജാലക-
    വാതില്‍തു/റക്കുന്നു /നിങ്ങള്‍
  8. വിഷ്ണുമായാസുതനായി ശിവശക്തി-
    യാര്‍ജ്ജിച്ചു ജന്മമെടുത്തു.
    പന്തളരാജന്നു പുത്രനായ്ത്തീരുവാന്‍
    ഭൂമിയില്‍ വന്നുപിറന്നു

  1. മൂല്യമളക്കുവാനാകാത്ത സ്വത്തിന്‍റെ -യേകാധിപന്‍ ഭഗവാനേ
    കാണുന്നതില്ലയോ കാശിന്നുവേണ്ടിയു -ള്ളക്രമം നീ ഭക്തദാസാ .
    വേണോ ധനികന്‍ ദരിദ്രനെന്നുള്ള വി -വേചനം നിന്മുന്നില്‍ സ്വാമീ ?ഊരാളനില്ലാത്ത ക്ഷേത്രമെന്നുള്ളൊരു
    പേരുവേണോ ഭഗവാനേ?

അക്ഷരങ്ങള്‍ എല്ലാം ഗുരുവായാലും വിരോധമില്ല. നീട്ടിപ്പാടാവുന്നവയാണെങ്കില്‍ ലഘുവുമാകാം. അതുകൊണ്ട് ലഘുഗുരുനിയമങ്ങളെക്കുറിച്ച് അധികം ചിന്തിക്കേണ്ട ആവശ്യമില്ല. ആദ്യത്തെ വരിയില്‍ 12 അക്ഷരം, രണ്ടാമത്തെ വരിയില്‍ 8 അക്ഷരം എന്ന നിബന്ധനപാലിച്ചാല്‍ മാരകാകളിവൃത്തത്തില്‍ രചന നടത്താം. ചിലപദങ്ങള്‍ നീട്ടിപ്പാടിയാല്‍ അഭംഗിയുണ്ടാകും . ആലപിക്കുമ്പോള്‍ തടസ്സം തോന്നുന്നുണ്ടെങ്കില്‍ മാത്രം ശ്രദ്ധിച്ചാല്‍ മതി.
.
ധാരാളം കവിതകളും സിനിമാഗാനങ്ങളും ഈ വൃത്തത്തില്‍ എഴുതപ്പെട്ടിട്ടുണ്ട്.
അപ്പോള്‍ നമുക്കിനി മാരകാകളിയില്‍ രചന തുടങ്ങാം.


Comments

Post a Comment

Popular posts from this blog

സര്‍ഗ്ഗം-6.വൃത്തം, കാകളി

വൃത്തവൃത്താന്തം . സര്‍ഗ്ഗം -6. വൃത്തം ============================== പ്രിയരേ , നിങ്ങള്‍ക്കേവര്‍ക്കും നമസ്കാരം . വൃത്തശാസ്ത്രം പരിചയപ്പെടുത്തുന്ന ഈ പംക്തി എല്ലാവരും സഹര്‍ഷം സ്വാഗതം ചെയ്തതില്‍ സന്തോഷമുണ്ട് . അദ്ധ്യാപകനും വിദ്യാര്‍ത്ഥികളുമെന്നല്ലാതെ ഒപ്പമിരുന്നും തോളോടുതോള്‍ ചേര്‍ന്നുനടന്നും ആശയവിനിമയം നടത്തുന്ന ഈ രീതി പ്രിയപ്പെട്ട വായനപ്പുരനിവാസികള്‍ ഭംഗിയായി പ്രാവര്‍ത്തികമാക്കുന്നതിനു തയ്യാറായതിലും വായനപ്പുരയ്ക്കുള്ള സന്തോഷവും കൃതജ്ഞതയും പറഞ്ഞറിയിക്കാവതല്ല . കഴിഞ്ഞസര്‍ഗ്ഗങ്ങളില്‍ പ്രിയപ്പെട്ടവര്‍ അറിവുപങ്കുവയ്ക്കാന്‍ മുന്നോട്ടുവന്നത് എല്ലാവരുടെയും പങ്കാളിത്തത്തോടെയുള്ള ഈ പരിപാടിയുടെ വിജയമാണ് കുറിക്കുന്നത് . അവിചാരിതമായ ചിലകാരണങ്ങളാല്‍ ഇടയ്ക്ക് ഒരിടവേള വേണ്ടിവന്നതില്‍ ഖേദിക്കുന്നു . മുമ്പു നടന്നിരുന്നതുപോലെത്തന്നെ ഇവിടെയുള്ളത് എടുക്കുകയും ഇവിടെയില്ലാത്തത് കൈയിലുള്ളവര്‍ ഇവിടെ എല്ലാവര്‍ക്കുമായി പങ്കുവയ്ക്കുകയും ചെയ്തുകൊണ്ട് ഒറ്റക്കെട്ടായി നമുക്കു മുന്നേറാം . വിഷയത്തിലധിഷ്ഠിതമായ എന്തുസംശയവും ഉന്നയിക്കാം . സംശയങ്ങള്‍ ദൂരീകരിച്ചുകൊണ്ടേ മുന്നേറാവൂ . ഒരു വിഷയത്തില്‍ അറിവുകുറവാണ...
Read more

സര്‍ഗ്ഗം-7.കളകാഞ്ചി .

വൃത്തവൃത്താന്തം . സര്‍ഗ്ഗം -7. കളകാഞ്ചി . ================================= മലയാളഭാഷാവൃത്തങ്ങളില്‍ കാകളികുടുംബത്തിലെ കാരണവരായ കാകളിവൃത്തത്തെയാണല്ലോ നമ്മള്‍ കഴിഞ്ഞതവണ പരിചയപ്പെട്ടത് . കാകളി നന്നായി മനസ്സിലായാലേ കളകാഞ്ചി പ്രയോഗിക്കാന്‍ കഴിയൂ . അതുകൊണ്ട് കഴിഞ്ഞ ഭാഗത്തില്‍ പഠിച്ച കാകളി ഓര്‍മ്മയില്ലെങ്കില്‍ ഒന്നുകൂടെ മറിച്ചുനോക്കി ഓര്‍മ്മവന്നതിനുശേഷംമാത്രം ഇതു പരിശീലിച്ചാല്‍മതി . അഞ്ച് മാത്ര വരുന്ന മൂന്ന് അക്ഷരങ്ങള്‍ ഒരു ഗണം . അങ്ങനെ നാല് ഗണം . അതാണ് കാകളിയുടെ ഒരു പാദം . ഇതില്‍ ചെറിയ ഒരു മാറ്റംവരുത്തിയാല്‍ കളകാഞ്ചിയാകും . കാകളിയിലെ ആദ്യത്തെ വരിയിലെ ആദ്യത്തെ രണ്ടോ മൂന്നോ ഗണങ്ങളെ അഞ്ച് മാത്ര വരത്തക്കവിധം അഞ്ച് അക്ഷരങ്ങളുള്ള ഗണങ്ങളാക്കുക . അതാണ് കളകാഞ്ചി . ആദ്യത്തെ വരിയില്‍ മാത്രമേ വ്യത്യാസമുള്ളു . രണ്ടാമത്തെ വരി കാകളിതന്നെയാണ് . അഞ്ച് മാത്ര വരുന്ന അഞ്ച് അക്ഷരങ്ങള്‍ ആകുമ്പോള്‍ ഓരോന്നും ലഘുവാകണം . ഒരക്ഷവും ദീര്‍ഘം , അനുസ്വാരം , വിസര്‍ഗ്ഗം , കൂട്ടക്ഷരം , ഉറപ്പിച്ചുച്ചരിക്കുന്ന ചില്ലക്ഷരം എന്നിവ പിന്നില്‍ വരുന്നതാകരുത് . അതായത് ആദ്യത്തെ വരിയിലെ രണ്ടോ മൂന്നോ ഗണങ്ങള്‍ സ...
Read more

15. താരാട്ടുവൃത്തം.

വൃത്തവൃത്താന്തം . സര്‍ഗ്ഗം -15. താരാട്ടുവൃത്തം .(07.05.2019) ================================================= താരാട്ടുവൃത്തവും കാകളിയില്‍നിന്നുണ്ടാകുന്നതാണ് . ഇതിന് ഓമനത്തിങ്കള്‍ വൃത്തമെന്നും പേരുണ്ട് . കാര്യങ്ങള്‍ ഹൃദിസ്ഥമാക്കാന്‍ ആവര്‍ത്തനം നല്ലതാണല്ലോ . അതുകൊണ്ട് നമ്മള്‍ പഠിച്ചത് ഒന്നോര്‍ത്തുനോക്കാം . 1) കാകളിവൃത്തത്തില്‍ മൂന്നക്ഷരത്തില്‍ അഞ്ചുമാത്രവരണമെന്ന് നമ്മള്‍ മനസ്സിലാക്കി . ലഘുക്കള്‍ നീട്ടിപ്പാടാവുന്നതുകൊണ്ട് മൂന്നുമാത്രയോ നാലുമാത്രയോ വന്നാലും അത് നീട്ടിപ്പാടി അഞ്ച് മാത്രയാക്കി കാകളിവൃത്തത്തിലുള്‍പ്പെടുത്താം . എന്നാല്‍ ഗുരു ചുരുക്കിപ്പാടാറില്ല . അതുകൊണ്ട് ആറുമാത്രവരുന്ന മഗണം ( സര്‍വ്വഗുരു ) കാകളിയില്‍ ഉള്‍പ്പെടുത്താന്‍ പാടില്ല . കാകളിയില്‍ മഗണം വരുമ്പോള്‍ അത് ശ്ലഥകാകളിയാകും . അതായത് അഞ്ചുമാത്രയേ വരാന്‍ പാടുള്ളൂ എന്ന നിയമം തെറ്റിച്ച് വരുന്നത് ശ്ലഥകാകളി . 2) ശ്ലഥകാകളിയുടെ രണ്ടുപാദത്തിലും അവസാനത്തെ ഒരോ അക്ഷരം കുറഞ്ഞാല്‍ ദ്രുതകാകളി . 3) ശ്ലഥകാകളിയുടെ രണ്ടുപാദങ്ങളിലും അവസാനത്തെ ഈരണ്ടക്ഷരംവീതം കുറഞ്ഞാല്‍ സമമഞ്ജരി . 4) ശ്ലഥകാകളിയില്‍ രണ...
Read more