16. മാദ്ധ്വിവൃത്തം.


വൃത്തവൃത്താന്തം. സര്‍ഗ്ഗം-16. മാദ്ധ്വിവൃത്തം. (14.05.2019)
==================================================
കാകളിഛന്ദസ്സില്‍പ്പെട്ട മറ്റൊരു വൃത്തമാണ് മാദ്ധ്വി അല്ലെങ്കില്‍ അതിമാവേലി. അതിലേക്കെത്തുന്നതിനുമുമ്പ് നമുക്ക് പഴയ പാഠങ്ങള്‍ ഓര്‍ക്കേണ്ടതുണ്ട്.
1. കാകളിവൃത്തത്തില്‍ മൂന്നക്ഷരത്തില്‍ അഞ്ചുമാത്രവരണം. ലഘുക്കള്‍ നീട്ടിപ്പാടാവുന്നതുകൊണ്ട് മൂന്നുമാത്രയോ നാലുമാത്രയോ വന്നാലും അത് നീട്ടിപ്പാടി അഞ്ച് മാത്രയാക്കി കാകളിവൃത്തത്തില്‍ ഉള്‍പ്പെടുത്താം . എന്നാല്‍ ഗുരു ചുരുക്കിപ്പാടാറില്ലെന്നതുകൊണ്ട് ആറുമാത്രവരുന്ന മഗണം കാകളിയില്‍ ഉള്‍പ്പെടുത്താന്‍ പാടില്ല .
2. കാകളിയില്‍ മഗണം വരുമ്പോള്‍ അത് ശ്ലഥകാകളിയാകും . അതായത് അഞ്ചുമാത്രയേ വരാന്‍ പാടുള്ളൂ എന്ന നിയമം തെറ്റിച്ച് വരുന്നത് ശ്ലഥകാകളി .

3. ശ്ലഥകാകളിയില്‍ രണ്ടാമത്തെ വരിയില്‍ അവസാനത്തെ രണ്ടക്ഷരം കളഞ്ഞാല്‍ അത് മഞ്ജരിവൃത്തമാകും .

4. മഞ്ജരിയുടെ രണ്ടാമത്തെ വരിപോലെത്തന്നെ ആദ്യത്തെ വരിയും വന്നാല്‍ മാവേലിവൃത്തം. ഒരുവരിയില്‍ 10 അക്ഷരം വീതമാണ് വേണ്ടത്. ആദ്യത്തെ അക്ഷരം ഗുരുവാകണം. മാവേലിവൃത്തത്തിന്റെ രണ്ടുപാദത്തിലുമുള്ള ആദ്യക്ഷരമായ ഗുരുവിനെ രണ്ടു ലഘുക്കളാക്കിയാല്‍ അതിമാവേലി അല്ലെങ്കില്‍ മാദ്ധ്വി എന്ന വൃത്തമാവും. മാവേലിവൃത്തത്തിന്‍റെ ആദ്യത്തെ അക്ഷരം ഗുരുവാകണം. എന്നാല്‍ ഈ ഗുരുവിനുപകരം രണ്ടു ലഘുവന്നാല്‍ അതിമാവേലി അഥവാ മാദ്ധ്വിവൃത്തം ആകും.

മാവേലിയുടെ താളം :
ലാലാല ലാലാല ലാലലാ ലാ
ലാലാല ലാലാല ലാലലാ ലാ

അതിമാവേലിയുടെ താളം :

ലലലാല ലാലാല ലാലലാ ലാ
ലലലാല ലാലാല ലാലലാ ലാ


ഉദാ :
അതിമാവേലിവൃത്തതാളമെല്ലാം
അതിവേഗം ചൊല്ലിപ്പഠിക്കണം നാം.

ഉദാ :
മലയാളഭാഷയ്ക്കു ഭൂഷണമായ്
മമ വായനപ്പുര വാണിടട്ടേ.

ഉദാ :
നലമെഴുമെന്‍ വായനപ്പുരതന്‍
മഹിതമാം സ്ഥാനം തുടര്‍ന്നിടട്ടേ!

ഉദാ:
നരനായി ഭൂവില്‍ പിറന്ന നമ്മള്‍
നരനായി ജീവിതം തീര്‍ത്തിടേണം.
മൃഗമായി ഭൂവില്‍ വസിച്ചിടൊല്ലാ
ഋജുമാര്‍ഗ്ഗംതന്നില്‍ ചരിച്ചിടേണം.

ഉദാ:
മനനംകൊണ്ടെല്ലാം മനസ്സിലാക്കി
മനുജനായ് മന്നില്‍ വളര്‍ന്നിടേണം
കരളില്‍ വിവേകം കൂടാതെ നമ്മള്‍
നിമിഷാര്‍ദ്ധം‍പോലും കളഞ്ഞിടൊല്ലാ.

ഉദാ:
ഇരുളില്‍ വഴികാണാതെയലയും
മനുജന്‍റെയുള്ളില്‍ പ്രകാശമേകും
ഗുരുനാഥന്‍ ചൊല്ലിത്തരുന്നതെല്ലാ -
മതുപോലെത്തന്നെ പഠിച്ചിടേണം.

മാദ്ധ്വിവൃത്തം മനസ്സിലാക്കാന്‍ അത്ര ബുദ്ധിമുട്ടുള്ളതൊന്നുമല്ല എന്നു മനസ്സിലായല്ലോ . ഇനി ഈ വൃത്തത്തില്‍ രചന തുടങ്ങാമല്ലോ.
എല്ലാവര്‍ക്കും നന്മകള്‍.








Comments

Post a Comment

Popular posts from this blog

സര്‍ഗ്ഗം-6.വൃത്തം, കാകളി

വൃത്തവൃത്താന്തം . സര്‍ഗ്ഗം -6. വൃത്തം ============================== പ്രിയരേ , നിങ്ങള്‍ക്കേവര്‍ക്കും നമസ്കാരം . വൃത്തശാസ്ത്രം പരിചയപ്പെടുത്തുന്ന ഈ പംക്തി എല്ലാവരും സഹര്‍ഷം സ്വാഗതം ചെയ്തതില്‍ സന്തോഷമുണ്ട് . അദ്ധ്യാപകനും വിദ്യാര്‍ത്ഥികളുമെന്നല്ലാതെ ഒപ്പമിരുന്നും തോളോടുതോള്‍ ചേര്‍ന്നുനടന്നും ആശയവിനിമയം നടത്തുന്ന ഈ രീതി പ്രിയപ്പെട്ട വായനപ്പുരനിവാസികള്‍ ഭംഗിയായി പ്രാവര്‍ത്തികമാക്കുന്നതിനു തയ്യാറായതിലും വായനപ്പുരയ്ക്കുള്ള സന്തോഷവും കൃതജ്ഞതയും പറഞ്ഞറിയിക്കാവതല്ല . കഴിഞ്ഞസര്‍ഗ്ഗങ്ങളില്‍ പ്രിയപ്പെട്ടവര്‍ അറിവുപങ്കുവയ്ക്കാന്‍ മുന്നോട്ടുവന്നത് എല്ലാവരുടെയും പങ്കാളിത്തത്തോടെയുള്ള ഈ പരിപാടിയുടെ വിജയമാണ് കുറിക്കുന്നത് . അവിചാരിതമായ ചിലകാരണങ്ങളാല്‍ ഇടയ്ക്ക് ഒരിടവേള വേണ്ടിവന്നതില്‍ ഖേദിക്കുന്നു . മുമ്പു നടന്നിരുന്നതുപോലെത്തന്നെ ഇവിടെയുള്ളത് എടുക്കുകയും ഇവിടെയില്ലാത്തത് കൈയിലുള്ളവര്‍ ഇവിടെ എല്ലാവര്‍ക്കുമായി പങ്കുവയ്ക്കുകയും ചെയ്തുകൊണ്ട് ഒറ്റക്കെട്ടായി നമുക്കു മുന്നേറാം . വിഷയത്തിലധിഷ്ഠിതമായ എന്തുസംശയവും ഉന്നയിക്കാം . സംശയങ്ങള്‍ ദൂരീകരിച്ചുകൊണ്ടേ മുന്നേറാവൂ . ഒരു വിഷയത്തില്‍ അറിവുകുറവാണ...
Read more

സര്‍ഗ്ഗം-7.കളകാഞ്ചി .

വൃത്തവൃത്താന്തം . സര്‍ഗ്ഗം -7. കളകാഞ്ചി . ================================= മലയാളഭാഷാവൃത്തങ്ങളില്‍ കാകളികുടുംബത്തിലെ കാരണവരായ കാകളിവൃത്തത്തെയാണല്ലോ നമ്മള്‍ കഴിഞ്ഞതവണ പരിചയപ്പെട്ടത് . കാകളി നന്നായി മനസ്സിലായാലേ കളകാഞ്ചി പ്രയോഗിക്കാന്‍ കഴിയൂ . അതുകൊണ്ട് കഴിഞ്ഞ ഭാഗത്തില്‍ പഠിച്ച കാകളി ഓര്‍മ്മയില്ലെങ്കില്‍ ഒന്നുകൂടെ മറിച്ചുനോക്കി ഓര്‍മ്മവന്നതിനുശേഷംമാത്രം ഇതു പരിശീലിച്ചാല്‍മതി . അഞ്ച് മാത്ര വരുന്ന മൂന്ന് അക്ഷരങ്ങള്‍ ഒരു ഗണം . അങ്ങനെ നാല് ഗണം . അതാണ് കാകളിയുടെ ഒരു പാദം . ഇതില്‍ ചെറിയ ഒരു മാറ്റംവരുത്തിയാല്‍ കളകാഞ്ചിയാകും . കാകളിയിലെ ആദ്യത്തെ വരിയിലെ ആദ്യത്തെ രണ്ടോ മൂന്നോ ഗണങ്ങളെ അഞ്ച് മാത്ര വരത്തക്കവിധം അഞ്ച് അക്ഷരങ്ങളുള്ള ഗണങ്ങളാക്കുക . അതാണ് കളകാഞ്ചി . ആദ്യത്തെ വരിയില്‍ മാത്രമേ വ്യത്യാസമുള്ളു . രണ്ടാമത്തെ വരി കാകളിതന്നെയാണ് . അഞ്ച് മാത്ര വരുന്ന അഞ്ച് അക്ഷരങ്ങള്‍ ആകുമ്പോള്‍ ഓരോന്നും ലഘുവാകണം . ഒരക്ഷവും ദീര്‍ഘം , അനുസ്വാരം , വിസര്‍ഗ്ഗം , കൂട്ടക്ഷരം , ഉറപ്പിച്ചുച്ചരിക്കുന്ന ചില്ലക്ഷരം എന്നിവ പിന്നില്‍ വരുന്നതാകരുത് . അതായത് ആദ്യത്തെ വരിയിലെ രണ്ടോ മൂന്നോ ഗണങ്ങള്‍ സ...
Read more

15. താരാട്ടുവൃത്തം.

വൃത്തവൃത്താന്തം . സര്‍ഗ്ഗം -15. താരാട്ടുവൃത്തം .(07.05.2019) ================================================= താരാട്ടുവൃത്തവും കാകളിയില്‍നിന്നുണ്ടാകുന്നതാണ് . ഇതിന് ഓമനത്തിങ്കള്‍ വൃത്തമെന്നും പേരുണ്ട് . കാര്യങ്ങള്‍ ഹൃദിസ്ഥമാക്കാന്‍ ആവര്‍ത്തനം നല്ലതാണല്ലോ . അതുകൊണ്ട് നമ്മള്‍ പഠിച്ചത് ഒന്നോര്‍ത്തുനോക്കാം . 1) കാകളിവൃത്തത്തില്‍ മൂന്നക്ഷരത്തില്‍ അഞ്ചുമാത്രവരണമെന്ന് നമ്മള്‍ മനസ്സിലാക്കി . ലഘുക്കള്‍ നീട്ടിപ്പാടാവുന്നതുകൊണ്ട് മൂന്നുമാത്രയോ നാലുമാത്രയോ വന്നാലും അത് നീട്ടിപ്പാടി അഞ്ച് മാത്രയാക്കി കാകളിവൃത്തത്തിലുള്‍പ്പെടുത്താം . എന്നാല്‍ ഗുരു ചുരുക്കിപ്പാടാറില്ല . അതുകൊണ്ട് ആറുമാത്രവരുന്ന മഗണം ( സര്‍വ്വഗുരു ) കാകളിയില്‍ ഉള്‍പ്പെടുത്താന്‍ പാടില്ല . കാകളിയില്‍ മഗണം വരുമ്പോള്‍ അത് ശ്ലഥകാകളിയാകും . അതായത് അഞ്ചുമാത്രയേ വരാന്‍ പാടുള്ളൂ എന്ന നിയമം തെറ്റിച്ച് വരുന്നത് ശ്ലഥകാകളി . 2) ശ്ലഥകാകളിയുടെ രണ്ടുപാദത്തിലും അവസാനത്തെ ഒരോ അക്ഷരം കുറഞ്ഞാല്‍ ദ്രുതകാകളി . 3) ശ്ലഥകാകളിയുടെ രണ്ടുപാദങ്ങളിലും അവസാനത്തെ ഈരണ്ടക്ഷരംവീതം കുറഞ്ഞാല്‍ സമമഞ്ജരി . 4) ശ്ലഥകാകളിയില്‍ രണ...
Read more